ياليت مالي قلب

[ايهاب العراقي]

للغايب اللي ذقت علقم غيابه
	اجمل تحيه مع جزيل المشاريه
اخلصت له حبي وياللغرابه
	أقفى وكن الحب شيٍ يسليه
ليته درى عن حالي اللي درابه
	جميع من شافه ولوكنت مخفيه
كلن درى عن لوعتي والكآبه
	إلا الذي قفّى وانا ميتٍ فيه
عيني بعد فرقاه مثل السحابه
	تنثر مطرها فوق خدي وتكويه
عنها الكرى هاجر وقفّت ركابه
	للخالي اللي ماشكى بُعد غاليه
والقلب ماردت ضلوعه صوابه
	كله جروح وشوق للي يداويه
جروح شوق وزاد قسوة عذابه
	هموم فرقاً كل ساعه تعنّيه
عامين يالغايب انا في صبابه
	والله مدري هالعنا ويش تاليه
ياليت مالي قلب او ليت مابه
	حبٍ يجيب الهم للي وقع فيه